Kampala – UMengameli wase-Uganda uYoweri Museveni uxoshe undunankulu ngemuva
kwezinsolo zokuthi ufuna ukumbangisa esikhundleni sokuphatha leli lizwe.
Ngokombiko kuthiwa uMuseveni uxoshe uAmama
Mbabazi ngoLwesihlanu.
Kubikwa ukuthi uMbabazi ongummeli ngokweziqu
ubesondelene kakhulu noMuseveni kwazise bebexhumana ezintweni eziningi
abazenzayo kanti muva nje kuvela ukuthi sebephenduke inkukhu nempaka.
OLUNYE UDABA: Izitabane zisasaba ukubuyela e-Uganda
Umbiko
udalula ukuthi uMuseveni usola uMbabazi ngokuthatha izinqumo eqenjini
ngaphandle kokuxhumana naye.
Kuthiwa uMuseveni umemezele igama likaNgqongqoshe
wezeMpilo e-Uganda ukuthi nguye ozovala isikhala sikaMbabazi.
Kubikwa ukuthi
uMbabazi akakaze aphumele obala ukuthi ufuna ukuhola i-Uganda ngemuva kokhetho
luka-2016 kanti ngakolunye uhlangani kunezinkulumo esezisabalele ezithi
uMuseveni usafuna ukuqhebeka nokuqhoqhobala lesi sikhundla nakuba
esesiphathe iminyaka engu-28.
- “Like” ikhasi lethu kuFacebook ukuze uthole izindaba ngolimi lwakho