Maputo – Ukubalwa kwamavoti eMozambique sekuqinisekise ukuthi uFilipe Nyusi
nguyena odle umhlanganiso njengoba bekunokhetho lukazwelonke.
Ukunqoba
kukaNyusi kulolu khetho lwangesonto eledlule kuqinisekisa ukuthi iFrelimo
isazoqhubeka nokuhola leli lizwe njengoba ngokwamavoti linqobe ngo-59%.
Ngokubika kwe-Daily News ukubalwa kwamavoti kuthathe isikhathi eside
kunebesilindelekile emikhandlwini
nasezifundazweni.
Kubikwa ukuthi
isifundazwe sokugcina esilethe imiphumela yayo kube yiZambezia egcine iyilethe
ngoLwesine.
OLUNYE UDABA: Aphikisayo asola esemfene okhethweni eMoz
Umbiko uveza ukuthi uNyusi
uthola amavoti angu-2.75million ezifundazweni ezingu-11.
Nakuba iFrelimo idle umhlanganiso kulolu
khetho kodwa kusenokukhathazeka njengoba yehlile kakhulu ngokwezibalo uma
uqhathanisa nolwango-2009 lapho yadla umhlanganiso ngo-75%.
Imbangi kaNyusi u-Afonso Dhlakama weqembu
iRenamo uthola amavoti angu-1.75million
kanti lokhu kukhombise ukukhula kweqembu lakhe lisuka ku-16% ngo-2009
lafinyelela ku-36% kulolu khetho.
Kuke
kwabika izigameko zokukhwabanisa kulolu khetho kodwa bekungakacaci ukuthi
abengamele ukhetho eMozambique bazokwazi
yini ukuliqinisekisa njengoluhambe kahle.
- “Like” ikhasi lethu kuFacebook ukuze uthole izindaba ngolimi lwakho