Victoria - UMengameli waseNingizimu Afrika uJacob Zuma utheleke eSeychelles ukuyofaka isandla ezingxoxweni eziphakathi komholi waseMadagascar nalowo owakhishwa ngendluzula eminyakeni emithathu eyedlule.
IMadagascar isenkingeni yezombusazwe kusukela u-Andry Rajoelina aketula uMarc Ravalomanana ngoMashi 2009, esekwa ngumbutho wezempi.
Bobabili uRajoelina noRavalomanana sebevele basesiqhingini saseSeychelles, iMahe, nalapho kulindeleke ukuthi babe nomhlangano ubuso nobuso ngokuhamba kosuku ngoLwesithathu.
Lezi zimbangi zihlangane ngokuhlukana noMengameli waseSeychelles uJames Michel ngoLwesibili, nobayalele ukuthi "kubalulekile ukubuyisa uzinzo" eMadagascar.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
Sapa - AFP
