Freetown – Ubalekiselwe eGermany udokotela wenhlangano iWorld Health Organization (WHO) ohaqwe yisifo se-Ebola eSierra Leone.
UTarik Jasarevic okhulumela le nhlangano uthe lo dokotela uphuthunyiswe ezweni iGermany ngemuva kokutholakala ukuthi unalesi sifo ngoLwesithathu.
Kuthiwa udabuka eSenegal kodwa esesibenza edolobheni laseKialuham elisenqanqameni oluhlukanisa iSierra Leone neGuinea.
Umbiko uthi ngemuva kokuthi lo dokotela elingadalulwanga igama lakhe ethole lesi sifo i-WHO iphoqeleke ukuba iwuvale umahamba nendlwana ohlola ukusabalala kwe-Ebola.
Kubikwa ukuthi lo dokotela ungeniswe esibhedlela saseNyuvesi iHamburg-Eppendorf lapho ezolashelwa khona egunjini elikhethekile.
Sezingaphezulu kuka-240 izisebenzi ze-WHO esezihaqwe yui-Ebola selokhu iqalile ukusabalala emazweni aseNtshonalanga ye-Afrika kanti sezingu-120 asezishonile.
- “Like” ikhasi lethu kuFacebook ukuze uthole izindaba ngolimi lwakho