Cape Town - Ubaba wentatheli yase-Australia, ye-Al-Jazeera, eboshwe eGibhithe, uthi uyakuhlonipha ukusebenza kwezinkantolo zaseGibhithe kodwa uyazi ukuthi indodana yakhe iyisisulu sokungabikho kobulungiswa.
UJuris Greste utshele abezindaba eKenya ngoLwesine ukuthi yena nonkosikazi wakhe bazi kahle ukuthi abenziwanga ubulungiswa ecaleni lendodana yabo uPeter Greste.
UPeter Greste kanye nozwakabo ababili abasebenzela i-Al-Jazzera ngoJuni inkantolo yabathola benecala yabagweba iminyaka eyisikhombisa bebhadle ejele.
UPeter Greste njengamanje uzama ukuphikisa isigwebo seminyaka eyisikhombisa ngecala lokusebenzisana neqembu iMuslim Brotherhood, okuyiqembu elithathwa njengelabashokobezi eGibhithe.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.