Ulahlwe yicala owadlwengula indodakazi eyibone igeza

Bulawayo - Owesilisa oneminyaka engu-35 ubudala wakhanukele ingane yakhe yentombanzane eneminyaka engu-15 ubudala ngesikhathi igeza wagcina eyidlwengulile, lokhu kutshelwe inkantolo ngeledlule.

Le ndoda itholwe inecala ngemuva kokulivuma ngesikhathi ivele ngaphambi kwentolo yeMantshi yaseMasvingo, u-Oliver Mudzongachiso, ibhekene necala lokudlwengula.

Le ndoda igcinwe esitokisini kuze kushaye umhlaka-1 Juni sekuyolalelwa isigwebo.

Umshushisi uNancy MAakuvise utshele inkantolo ukuthi ngomhlaka-11 Meyi ngezithuba zabo-11:00 ekuseni intombazane yayigeza, ubaba wayo wabe eseyoyilunguza ngesikhathi igeza.

OLUNYE UDABA:Kufuneka isinxephezelo kolale nomfana ona-14

Inkantolo iphinde yezwa nokuthi ubaba wentombazane wabe eseyilandela isiya ekamelweni nokuyilapho afike ayithinta khona amabele eyitshela nokuthi inomzimba omuhle angakaze awubone empilweni yakhe yonke, wabe eseyidlwengulela embhedeni.

Inkantolo iphinde yezwa nokuthi le ntombazane yamemeza ifuna usizo kodwa yangaluthola ngoba babebobabili kuphela endlini, kubika iBulawayo24.

 - “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter