Umama uthumele usana lwakhe kuyise ngeposi

Nyeri – Onogada benkampani iG4S eKenya bathole iphasela elingajwayelekile nabangakaze basebenze ngalo phambilini.

Onogada be-G4S edolobheni laseNyeri, eKenya, ngoLwesine ebusuku bathole usana lufakwe ekhathonini njengephasela.

Usana olunenyanga eyodwa luzelwe lutholwe onogada ngesikhathi bekhipha amaphasela abesemotweni yomsebenzi.

Usana belusekhathonini ebelingavaliwe phezulu kanti esandleni sosana bekubhalwe igama likababa wengane kanye nemininingwane yokuxhumana naye.

Amalungu omphakathi agcwale emahhovisi enkampani ezobopna lesi simanga sephasela, okuyingane ebithunyelwe kuyise, iningi labo basigxekile lesi senzo okukholakala ukuthi senziwe umama wengane.

Abasebenzi babikele amaphoyisa mayelana nalesi sigameko.

Amaphoyisa  ayalele ubaba wengane ukuba afike esiteshini samaphoyisa ngenhloso yokuba aphekwe ngemibuzo.

Le ndoda ayizange iphike noma ivume ukuthi ingane ingeyayo yini kodwa amaphoyisa athi imizamo yokuthola umama wengane isiqalile.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).