Windhoek - UMengameli waseNamibia uHifikepunye Pohamba usenxuse wonke amaqembu ezepolitiki ukuba akhankase ngokuthula njengoba kuza ukhetho kuleli lizwe ngoNovemba.
Ngokubika kwezindaba ze-SABC uMengameli uPohamba ukusho lokhu ngesikhathi kungcwatshwa amathambo amaqhawe ayisikhombisa ayelwela umzabalazo eNamibia eHeroes Acre ngaphandle kwaseWindhoek.
Uqhubeka wathi isikhathi sokhetho sibalulekile kubantu abaphila eNamibia ngoba yilapho besuke bekhetha uhulumeni waba kanye nalabo abazobamela ePhalamende.
Ekhuluma kulo mngcwabo uPohamba uthe ziningi ezinye izingqalabutho ezisagcwele emathuneni angabhaliwe emazweni ahlukene lapho babelwela khona umzabalazo.
Uthe kuseyinkinga ukugcwatshwa kabusha kwamaqhawe aseNamibia njengoba amanye engaziwa nokuthi angcwatswa kuliphi ilizwe.
“Maningi amaqhawe ethu ashonela emazweni afana noBotswana, Angola, Zambia namanye,” kusho uPohamba kulo mngcwabo obuhanjelwe yisikhulu nemindeni alamaqhawe.
- “Like” ikhasi lethu kuFacebook ukuze uthole izindaba ngolimi lwakho