Harare - Amaphoyisa aseZimbabwe avimbele uMphrofethi waseNigeria uChris Okafor ukuba angene kuleli lizwe ngenxa yokuthi waphrofetha ngokufa kukaMangameli Mugabe, ngokusho kombiko.
Ngokubika kweNews Day, u-Okafor, ongumholi weLiberation City World Outreach Ministries, ngo-Okthoba wonyaka owedlule waphrofetha ukuthi iZimbabwe izobe isinomengameli omusha ngoMashi walo nyaka.
Lesi siphrofetho asamukelekanga kahle kwiziphathimandla zaseZimbabwe, ngokubika kweNews Day.
OLUNYE UDABA: Owesilisa usolwa ngokuthelela umlamu wakhe nge-HIV
U-Okafor akuyona yodwa "Inceku kaNkulunkulu" eyaphrofetha ngokushona kukaMugabe kule minyaka eyedlule.
NgoJanuwari kulo nyaka umphrofethi waseMalawi wodumo u-Austin Liabunya naye waphrofetha ngokukhahlela ibhakede kukaMugabe.
Ngokubika kwephephandaba laseMalawi iMaravi Post uLiabunya waphrofetha ngobusuku bukaNcibijane ukuthi uMugabe uzoshona kulo nyaka.
Kubikwa ukuthi kwakungaqali ukuthi lo mphrofethi aphrofethe ngalo mengameli.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter