Abuja – Umastende waseLagos, eNigeria, osolwa ngokokhela ngomlilo isiqashi sakhe ushonile ngenxa yokusha akuthola ngesikhathi kuqhubeka lesi sigameko, kusho umbiko wePunch.
USola Solomon, ubesolwa ngokuthungela ngomlilo isiqashi, u-Abeeb Daraloye, kulandela ukungaboni ngasolinye kubangwa indaba yendlu yangasese.
OLUNYE UDABA: Udubule umastende efuna irisidi lerenti ngenkani
Ngesikhathi kuqhubeka ingxabano, uSolomon wabhunyela u-Abeen ngophethiloli wase emokhela ngomlilo.
Kuthiwa sathi sisha isisulu, uSolomon wasiphushela phansi sisuka esitezi sesithathu, sashona.
USolomon, naye owalimala kulesi sigameko, wabe esengeniswa esibhedlela kwagcina kumenele.