Bulawayo - Kuthiwa kuyisimangaliso ukuthi usaphila umfana ohlale izinyanga ezimbili esibhedlela nesinqundu sepensela agwazwa ngalo uthisha ekhanda eHugh Beadle Primary, kwaBulawayo.
Kuthiwa lesi sigameko senzeke phambi kwabanye abafundi ngomhlaka-12 Mashi ngesikhathi uthisha uSibongile Nyathi egwaza le ngane, 6, kubika iBulawayo24.
Kuthiwa wayeyithethisela ukuhluleka ukusebenzisa iminwe uhlukanisa amagama uma ibhala.
OLUNYE UDABA: Uthisha wesifazane uvume elokulala nomfundi
Odokotela ezibhedlela i-United Bulawayo Hospitals neMpilo Central Hospital bahluleka ukubona ukuthi leli peni laphukela ngaphakathi ekhanda lengane, kwaze kwaba liyaziphumela ngemuva kwezinyanga ezimbili.
UNyathi uzovela enkantolo ebhekene namacala okubalwa kuwo isihluku, udlame olubhekiswe ezinganeni kanye nokuzama ukubulala.