Bulawayo - Uvele enkantolo owesifazane waseCowdray Park ngemuva kokubanjwa oqotsheni enza ucansi phezu kwengubo yokulala entsha sha eyabiza imali engango-R603 yomphathi wakhe.
UViolet Hover owayesiza endlini kubikwa ukuthi wafakwa owayengumphathi wakhe, uJessica Dube, enkantolo yezombango ngoba efuna uHover akhokhe imali yengubo yokulala.
UDube watshela imantshi uVoctor Mpofu wathi: "Nkosi yenkantolo ngifuna uHover akhokhe imali engango-R603 kablankethi awusebenzisa emzini wami elele nesoka lakhe.
"Lesi sigameko senzeka ngoMashi ngesikhathi ngifika endlini engangilindele ngezithuba zabo-16:00 belele egumbini lengane yami bagxuma bagqoka ngokushesha baphuma ngesamagundane.
OLUNYE UDABA:Umfundisi ubanjwe oqotsheni ezitika ngoshadile
"Akaphindanga wabuya emzini wami, kanti futhi ngasengimnikile iholo lakhe elingu-R964.
"Washiya ngisho nezimpahla zakhe emzini wami ngazama ukuxhumana naye ukuze athathe le ngubo yokulala ngoba angeke ngize ngiyidayisele omunye umuntu," kusho uDube.
UHover ube esezivumela ngokwakhe ukuthi wayisebenzisa le ngubo yokulala wathi imali uzoyikhokha uma esehola etohweni lakhe elisha, kubina iBulawayo24.
UDube yena wathi uzobamba izimpahla zikaHover ezasala kwakhe kuze kube uyakhokha.
MIantshi yabe isiyalela uHover ukuba akhokhe le mali ekupheleni kukaJuni.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter