Harare - Yize noma amajele aseZimbabwe egxekwa ngobunuku nangokugcwala kakhulu kodwa isigebengu sinxuse imantshi ukuba imuvalele kuze impilo yasoizokuba ngcono, kubike abezindaba zakuleliya lizwe ngoLwesibili.
ULovemore Manyika, 22, oyisigebengu esesenze amacala siphindelela uzicelele ukuba agqunywe ejele kulandela ukuvuma icala lakhe lokugqekeza umuzi.
"Iimpilo yasejele ingcono kunempilo yasemgwaqeni,” kubikwa ukuthi lawa ngamazwi kaManyika awabhale encwadini efundwe ngumshushisi, ngokusho kwephephandaba i-The Herald.
Inkantolo imgwebe iminyaka emithathu kuphela.
Amajele aseZimbabwe agxekwa yizishoshovu zamalungelo abantu njengendawo engakulungele ukuhlala abantu kanti iziboshwa zivama ukugula uma zingaphakathi ngenxa yezifo ezithathelanayo, kanti nokudla kuthiwa kuyashoda.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter
(@IzindabaNews24).
