Lagos – Kulindeleke ukuthi agcotshwe ngokusemthethweni uMengameli omusha waseNigeria uMuhammadu Buhari kuleli sonto njengoba leli lizwe libheke nesimo esinzima emnothweni.
Iqembu likaBuhari i-All Progressive Congress (APC) lasola obenguMengameli uGoodluck Jonathan ngokuphisana ngezwe esikhathi esinzima ngemuva kokuba iNigeria yathola ukuzimela eminyakeni engu-55 eyadlula.
“Isimo sikagesi kuleli lizwe sisesimeni esibucayi, uyashodsa uphethiloli kanti nezisebenzi zisatelekile.
Leli lizwe lisobishini ngezikweletu njengoba zibalelwa ku-$60 billion izindleko ezibhekene neNigeria,” kusho okhulumela i-APC uLai Mohammed.
Kodwa abantu baseNigeria banethemba lokuthi uBuhari uzokwazi ukuguqula isimo.
OLUNYE UDABA: Uthole ibheyili oshaye umfundisi emngcwabeni
UBuhari unogazi kubantu baseNigeria njengoba nguyena owayehola umbutho wamasosha ngeminyaka yama-80.
“Akusiyo imfihlo ukuthi uhulumeni kaJonathan walifaka ehlathini leli lizwe,” kusho usomabhizinisi uMulikat Bello.
“Siyazi ukuthi uBuhari angalenza ushintsho.
Useke walenza phambilini namanje siyamethemba,” kuqhuba lo somabhizinisi.
- “Like” ikhasi lethu kuFacebook ukuze uthole izindaba ngolimi lwakho