Maseru – Isikhulu sikahulumeni simemezele ukuthi umbutho wezempi yiwo osukhonya eLesotho njengoba usulawula ikomkhulu lamaphoyisa waphinde wamisa ukusebenza kweziteshi zomsakazo nomakhalekhukwhini.
"Amasosha kahulumeni waseLesotho aseshaqe ikomkhulu lamaphoyisa,” kusho uNgqongqoshe wezemiDlalo nophinde abe ngumholi weBasotho National Party, uThesele Maseribane, echaza ngokuvukelwa koMbuso kuleli lizwe elincane.
"Kuke kwezakwala nokukhala kwenganono. Amaselula nemisakazo akusebenzi,” esho.
UMaseribane uthi yena ukwazile ukubaleka ngemuva kokulunywa indlebe ngokuzokwenzeka.
"Umkhuzi wamasosha kuthiwa uthe ufuna mina, undunankulu nesekela lami ukuze asiyise enkosini. Ezweni lami lokho kusho ukuthi kuvukelwa uMbuso,” esho.
Uthi yena ngokwazi kwakhe uNdunankulu uTom Thabane nguye osaphethe izintambo.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter