Harare – Sekuvele i-video ezinkundleni zokuxhumana amaphoyisa abonakala eshaya owesilisa eceleni komgwaqo omatasa.
Kwi-video, eqoshwe ngumshayeli, kubonakala owesilisa ehudulelwa eceleni komgwaqo ngamaphoyisa amabili.
Elinye lamaphoyisa likhahlela owesilisa emaqakaleni, kungathi lizama ukumwisela phansi, liphinde limshaye ngesibhakela ekhanda ngesikhathi abanye ozakwabo bemdonsa.
OLUNYE UDABA: Umfundisi ubulale onqabe ukuba benze ucansi
Amaphoyisa amabili abephethe amabhuku okubukeka sengathi ngawamathikithi anikezwa izephula mthetho emgwaqeni.
Lona wesilisa ubonakala ehluleka ngisho ukuvika.
Akucaci ukuthi lesi sigameko senzeke kuyiphi indawo, kodwa isicasule abantu abaningi ezinkundleni zokuxhumana.
Buka i-video ngezansi: