Lilongwe – Izisebenzi zesifazane ebhange laseMalawi ngeke zisavunyelwa ukuba zigqebhezane uma zisemsebenzini, kanti abaphathi bathi ukusheqeza akwehli kahle kweminye imindeni.
Ngokombiko weNyasa Times, inhloko yezabasebenzi eMalawi Savings Bank (MSB), uRichard Kunjawa, usayine isaziso esithi iziketi zokusebenza kumele zingabi mfushane kuze kweqe.
Izisebenzi zesifazane azisavumelekile ukugqoka izingubo “eziveza nokungafanele”, okubalwa izigqebhezane namahembe angenamikhono.
OLUNYE UDABA: 'Akuvalwe izigqebhe ezikoleni, ziphazamisa othisha'
Ziphinde zavalwa ekucwaleni izinwele zizifake udayi noma zenze imiyeko, kuqhuba umbiko.
"Ukugqoka izingubo ezimfushane namahembe aveza ama-cleavage ngeke sikubekezelele kuleli bhange,” kucashunwa uKunjawa.
Nezisebenzi zesilisa nazo azisalanga ngaphandle njengoba zitshelwe ukuthi akuvumelekile ukutebhiswa kwamabhulukwe.