Nairobi – Umgembuli waseKenya uhoshe inkemba wabulala ngayo izimenenja ezimbili zase-casino ngemuva kokudliwa yonke imali abebheje ngayo.
Le ndoda yenze lokhu ngaphambi kokukhandwa ngamatshe ngumphakathi yashona, kusho amaphoyisa.
Le ndoda edabuka eTanzania ivuke umbhejazane ngemuva kokudliwa u-$300 e-casino ese-Eastleigh ngoLwesibili ezintatha, yase ihlasela imenenja enqabile ukuyiboleka imali ukuze iqhubeke idlale.
Kuthiwa le ndoda ibe isihamba, yabuya isiphethe inkemba.
OLUNYE UDABA: Indoda igwaze isigebengu ngenkemba izivikela
"Umufi uqale wagadla emenenjeni yesifazane enqabile ukumboleka imali wase edlulela kwenye,” kusho okhulumela amaphoyisa aseNairobi, uJapheth Koome.
Kulimale omunye unogada kulesi sigameko.
Abanye abagembuli bakwazile ukukhiphela le ndoda ngaphandle base beyikhanda ngamatshe yaze yashona.
"Amaphoyisa afike le ndoda isishonile,” kusho uKoome.