Harare – Owesilisa waseMasvingo, eZimbabwe, ucishe wabulala unkosikazi wakhe okhulelwe ngesikhathi esebenzisa ummese ukumsika isitho sangasese ngesikhathi esikwa.
Lesi sigameklo senzeke ngesonto eledlule, kepha kuze kwezwakala ngaso ngoLwesihlanu ngesikhathi uNyevero Dumbu, 34, ephuthunyiswa esibhedlela esexinwe ukugula, kubika iBulawayo24.
UDumbu kuthiwa kudingeke athathwe ngenkani ayiswe emtholampilo, ngenxa yokuthi inkolo angaphansi kwayo ayimvumeli ukuba afune usizo ezikhungweni zezempilo.
OLUNYE UDABA: Ingane isikeke ekhanda unina ebeletha
Kuthiwa usana lusesimeni esihle, kepha umama waso usabambekile yizinhlungu.
Umyeni kaDumbu uthi wayesiza ezama ukunweba isitho sangasese sikankosikazi wakhe ngesikhathi ebelethela ekhaya.