Abakwa-Absa bazokhokha ngomonakalo wokuzamazama

Johannesburg – U-Absa uthole izicelo ezingaphezulu kuka-1 000 zabantu abafuna ukukhokhelwa ngomonakalo owadalwa ukuzamazama komhlaba okwaba ngu-5.5 magnitude okwahlasela esifundazweni saseNorth West futhi bathi bazokhokha.

"Umgomo i-Absa Home Owners Policy uyabhekana nomonakalo odalwe ukuzamazama komhlaba ngisho noma kwenziwe yimayini,” kusho okhulumela inkampani uDante Mashile.

"Sithole izicelo ezilinganiselwa kwezingu-1 100 ngomonakalo owadaleka ngo-Agasti 5 kanti kumanje silinde kuphothulwe umbiko omayelana nokuthi mkhulu kangakanani umonakalo,” usho kanje.

Lezi zindaba zize ngemuva kocwaningo olwenziwa yi-Justmoney, olwaveza ukuthi zilinganiselwa kwezinhlanu izinkampani ezihlinzeka ngomshwalense ezithi ngeke ziwukhokhele umonakalo owadalwa ukuzamazama komhlaba uma kutholakala ukuthi imbangela yakho kwaba yizimayini.

Izinkampani ezinhlanu ezadalulwa wucwaningo kwakungamabhange amathathu, iStandard Bank, Absa neNedbank – bese kuba yizinkampni ezimbili ezihlinzeka ngemishwalense kuphela, i-MUA ne-Addsure.

UMashile uthe ucwaningo lwalungelona iqiniso ngoba ibhange lizowakhokhela amakhasimende alo.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).