Abakwa-Eskom sebememezele oluka-stage 2

Cape Town – Inkampani ephakela izakhamuzi zakuleli ngogesi, i-Eskom, imemezele ngoLwesibili ukuthi izoqalisa isigaba sesibili sokucisha ugesi kusukela ngo-17:00 kuze kushaye u-22:00.

"Ngenxa yokuthi amandla kagesi angaphansi kwengcindezi enkulu nangenxa yokulungiswa kwezikhungo eziphehla ugesi, i-Eskom izocisha ugesi ngaphansi kohlelo luka-stage 2 kusukela ngo-17:00 namhlanje kanti lokhu kuzoqhubeka kuze kushaye cishe u-22:00."

Funda nalolu daba: Bamisiwe abezicishamlilo ebebetelekile

Abakwa-Eskom nathi balandela lolu hlelo ngenhloso yokuba kungabimnyama ezweni lonke ngenxa yengcindezi yamandla kagesi.

"Njengoba kumakhaza ezweni lonke, sinxusa amakhasimende ukuba asebenzise ezinye izindlela ukuzigcina efudumele.”

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).