Johannesburg - Amakhulu abasebenzi emayini iSyferfontein Magnesite eFolovhodwe, eLimpopo babeke phansi amathuluzi bekhala "ngokuxhashazwa" ngodaba lwamaholo.
Abasebenzi baqale ukuyigxoba emayini engaseMusina, befuna ukunyuselwa amaholo.
OweNational Democratic Forest and Energy Workers' Union uJonas Tshiboho uthi abavukuzi bahola kancane ngisho kunabasebenzi basemapulazini nosomatekisi.
Umqashi wabo, iSyferfontein Group, akafuni ukubaholela njengokwemigomo yemboni yezokumbiwa phansi, esho.
"Saba nezingxoxo ngalolu daba. Siyakholelwa ekutheni senza okufanele njengoba siteleka ukuze izimfuno zethu zizwakale," kuphetha uTshiboho.
OweSyferfontein Group uDane Cresswell akathandanga ukuphawula ngalolu daba.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
SAPA
