Cape Town – Inkampani ephehla ugesi kuleli u-Eskom isixwayise ngokuthi maningi amathuba okuhamba kukagesi ebusuku, kanti konke kuzoncika ekutheni ugesi uphehlwa ngendlela yini.
Ukucima kukagesi kulokhu kuqhubekile kusukela isonto liqalile.
Ukucima kukagesi kwasebusuku kuqala ngo-17:00 kuze kuphele ngabo-22:00 kulezi zinsuku ezintathu ezedlule.
OLUNYE UDABA: Luyaqhubeka uhlelo lokucima ugesi
Uma u-Eskom ugcine uwucimile ugesi ngoLwesine, kuzobe sekungusuku luka-12 ugesi ucima izinsuku zilandelana.
Isikhulu esiphezulu senkampani, uBrian Molefe, wethule inkulumo ePhalamende waveza ukuthi amakhasimende anelungelo lokuthi acasuke ngokucima kukagesi okuqhubeka ezweni.
Nokho wathi akumele kusolwe u-Eskom, ngoba uyazama ukukhiqiza ugesi ngokwamandla onawo.