Johannesburg – Aseyasebenza ama-generator amane abe nenkinga eziteshini
zokuphehla amandla kagesi ezintathu ngokusho kwezikhulu ngoLwesithathu ekuseni.
“Njengoba sikhuluma sesikwazile ukuwabuyisela esimeni aseyasebenza futhi,”
kusho ibamba lomkhulumeli wakwa-Eskom uKhulu Phasiwe.
“Lokhu kuchaza ukuthi
konke ayisekho ingcindezi ebikhona,” esho. Kuzokhumbuleka ukuthi u-Eskom usanda
kumemezela ukuthi ngeke ucishe ugesi kula maholidi.
Ukuhlangabezana nale nkinga
yama-generator kususe itwetwe emphakathini kulandela ukusabela ukuba
noKhisimusi omnyama.
OLUNYE UDABA: Angeke ucishe ugesi kuze kushaye uJanuwari - Eskom
NgoLwesibili la ma-generator amane ama ukusebenza ngenxa
yezinkinga ezahlukene.
UPhasiwe uthe
nakuba sebewabuyisele esimeni la magenerator kodwa ingcindezi kamandla
kagesi iseseszingeni eliphezulu.
Ekuqaleni
kukaDecemba le nkampani yaqala uhlelo lokucima kukagesi olubizwa
ngeloadshedding ezweni lonke.
Isikhulu esiphezulu kwa-Eskom uTshediso Motona
wakuphika ukuthi le nkampani isenkingeni.
- “Like” ikhasi lethu kuFacebook ukuze uthole izindaba ngolimi lwakho