Johannesburg -Ezinye zezisebenzi zikahulumeni ziphumele obala emhlanganweni womphakathi ukuthi azihambisani nohlelo lwama-etolls.
Kubikwa ukuthi lokhu zikuveze ngoMsombuluko ngesikhathi kuqhubeka eminye yemihlangano yomphakathi edingida udaba lwalolu hlelo.
UMbuyisa Manana, osebenzela uhulumeni uthe kumele ngabe nguye okhuluma phambili ekhulumela umnyango kodwa ugqugquzela abantu ukuba bangawakhokheli ama-e-tolls.
"Kunogesi emgwaqweni kodwa awukho ebantwini abahlala emkhukhwini," usho njalo ekhuluma ngogesi okhanya kuwona ama-etolls.
OLUNYE UDABA: 'Akuphele ukukhuluma kukhokhelwe ama-e-tolls'
Ube eseqoka ukuba kube nemali engango-R120 okhokhelwa lama-e-tolls njalo ngonyaka .
Lo mhlangano ubusehholo lomphakathi wase-Orlando eSoweto.
Kube neziphakamiso eziningi kulo mhlangano ophele sekusele idlanzana labantu.
Abaphathi bomhlangano bagqugquzele ukuba kuqhutshekwe nokufaka iziphakamiso kuze kushaye u-Okthoba.
- “Like” ikhasi lethu kuFacebook ukuze uthole izindaba ngolimi lwakho