Johannesburg – Inkampani ephakela izwe ngogesi, u-Eskom, isingene ohlelweni lokucima ugesi ngaphansi kukaStage 2 isuka kuStage 1 kusukela ngo-10:00 ngoLwesihlanu.
Lokhu kuza ngemuva kokuqalisa uStage 1 ngo-06:00, kumemezela le nkampani enkundleni yezokuxhumana uTwitter.
OLUNYE UDABA: Seluqalile uhlelo lokucima kukagesi namhlanje
U-Eskom uqale ukucima ugesi ezinsukwini ezinhlanu ezedlule njengoba ziqhubeka izinkinga zokuphehla ugesi ngenxa yezinsiza ezindala ezidinga ukulungiswa njalo.
Kuthiwa ukushoda kukagesi okwenzeke ngoLwesibili kube yingqophamlando njengoba le nkampani ilahlekelwe yikota kagesi ewuphehlayo ngenxa yokulungiswa kwemishini.
Lokhu kucima kukagesi kwagcina ukubonakala ngo-2008.