Babuyela ejokeni abasebenzi abangamalungu eNumsa

Johannesburg - Izinkulungwane zabasebenzi abasembonini yensimbi nobunjiniyela, nabebesesitelekeni, bazobuyela ejokeni ngoLwesibili kulandela ukumenyezelwa kokuphela kwesiteleka.

INational Union of Metalworkers of South Africa (Numsa) neSolidarity basivumile isiphakamiso sokunyuswa kwamaholo ngo-10% iminyaka emithathu, nokuchaze ukuthi siyaphela isiteleka sabasebenzi ebese sidonse amasonto amane.

Lesi siteleka siphazamise kakhulu umkhiqizo wezimoto sase sishiya engeqiwa ntwala emnothweni wezwe, kubika i-SABC.

UNobhala Jikelele weNumsa u-Irvin Jim uthe amalungu abo enelisekile ngesiphakamiso esibekwe ngumqashi etafuleni.

Isiphakamiso sakamuva sithi abasebenzi abahola kancane bazonyuselwa amaholo ngo-10% njalo ngonyaka, kule minyaka emithathu ezayo.

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter