Empendulweni ebhalwe phansi yango-Ephreli 9 ebhekiswe ku-Association of Mineworkers and Construction Union (Amcu), uMagwara uthe inkampani isiza abasebenzi bayo ngezindlu, ezempilo kanye nangokuzisa abaphila nengculazi nesandulela sayo.
UMagwara uthe izinto abazibalule kakhulu encwadini, ezombusazwe kanye nezomnotho, okungezona izinto eziyingxenye yezingxoxo zamaholo.
Angaphezulu kuka-1 000 amalungu e-Amcu ayeke ukudla imishanguzo ye-HIV, ngokusho kwencwadi inkampani iLonmin eyithumelele inyunyana.
"Ngithanda ukunazisa ukuthi angaphezulu kuka-1 000 amalungu e-Amcu atelekile angakaze eze emitholampilo ukuzolanda ama-ARV.
Amalungu e-Amcu eLonmin, Impala nase-Anglo American Platinum (Amplats) eRustenburg, eNorth West naseNortham eLimpopo angenele isiteleka ngoJanuwari 23 efuna iholo lika-R12 500 ngenyanga.
- “Like” ikhasi lethu kuFacebook ukuze uthole izindaba ngolimi lwakho