Bakhala bayazithulisa abaqolwe owasePolokwane

Cape Town - Izinkumbi zabantu bakuleli abafudukela e-United Kingdom, bancela iminwe ngemuva kokuqolwa bethenjiswa amaholi phesheya kolwandle.

Izisulu bezizitshela ukuthi zizohambela eNingizimu Afrika, zizohlangana nemindeni yazo.

Ngokusho kwabezindaba zeWeekend Argus  izisulu zivule icala zivulela uKim Robbertse, onenkampani esebenzela ePolokwane, ekukholakala ukuthi nguye "obehlela" amaholidi amanani aphansi.

Izisulu bekumele zikhokhele uRobertse imali engu-R7 500, ngaphambi kokuthi anyakaze aqale izinhlelo.

UPaul Swanson, owasuka eKapa wayohlala eLondon, uthi ukhokhe imali engu-£4 700 (about R85 000), enzela ukuletha umndeni wakhe eNingizimu Afrika.

USwanson uthi kumthusile ukuthola ukuthi angumbombayi amathikithi akwaBritish Airways, awathunyelelwe nguRobbertse.

UTeunika Carstens, osahlala eBrithani, esuka eNorth West, utshele abezindaba zeNetwerk24 wathi uqolwe imali engu-R25 000, wathi bekumele andizele kuleli mhlaka-19 Disemba.

Umbiko uthi kuneqeqebana elizibiza nge-Action against KR, elinamalungu angu-232, elithi lixhumane noRobbertse, osebatshele ukuthi uzobabuyisela izimali zabo.
 

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).