Johannesburg – Abezicishamlilo abayishumi abangenele isiteleka ngokungakhokhelwa imali yokusebenza amahora engeziwe, bamisiwe emsebenzini ngoLwesibili ekuseni.
Laba basebenzi banikwe izincwadi ezibazisa ngokumiswa kwabo ngaphansi kweJohannesburg Emergency Management Services.
Okhulumela abezimo eziphuthumayo uRobert Mulaudzi uthe, "Siphinde safaka isicelo enkantolo sokuba bayeke isiteleka, ngoba besingekho emthethweni.”
Funda nalolu daba: Zingase zihlanze amathoyilethi iziboshwa
Kusukela ngoLwesihlanu, abezicishamlilo benqabe ukusebenza amahora angu-12 uma bengeke bakhokhelwe.
Kunokuba basebenze kusukela ngo-07:00 ekuseni kuze kube u-19:00, bebesebenza kusukela ngo-08:00 ekuseni kuze kube u-16:00, kubika i-eNCA.
UMulaudzi uthe, "Asihambisani nesiteleka ngoba sisebenza ngaphansi kwezimo eziphuthumayo ezidinga abasebenzi ukuba bahlale bekhona ngaso sonke isikhathi ababekelwe sona.”
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.