Johannesburg - ISouthern African Fraud Prevention Service nezinye izinkampani ezihlola umlando wosuke efake isicelo somsebenzi, sezixwayise labo abaqamba amanga ngeziqu zabo uma befaka lezi zicelo.
UCarol Mcloughlin we-SAFPS uxwayise labo abafuna imisebenzi ukuthi kuyicala elibomvu ukufaka iziqu abangenazo uma benza ama-CV.
Abatholakala naleli cala bangase baphonswe ekhulukuthu.
Uthi ngonyaka odlule uwodwa, angu-1 751 amacala okukhwabanisa avulelwa abasebenzi.
Uthi lokhu kwenzeka kuhulumeni nasezinkampanini ezizimele.
"Iningi labantu abenza lokhu bavele bahleke uma sebebanjiwe bathi kube "yiphutha". Abantu kumele baqaphele ngoba lokho kungayisa ejele."
- “Like” ikhasi lethu kuFacebook ukuze uthole izindaba ngolimi lwakho