Publications
Partners
Johannesburg - Yize sisikhulu isibalo sabafundi ababhalisela izifundo zobunjiniyela ezikhungweni zemfundo ephakeme minyaka yonke, asanele isibalo sabagcina besebenza kulo mkhakha, kusho uNgqongqoshe wezeSayensi nobuChwepheshe uNaledi Pandor ngoMsombuluko.
Kuthiwa babalelwa ku-1 500 abafundi bezobunjiniyela abakhiqizwa amanyuvesi akuleli minyaka yonke, kepha bayisigamu kulabo abasebenza njengonjiniyela.
"Iningi labo ligcina lisebenza emabhange nakwezinye izikhungo zezimali. Kumele linyuke inani labafundi abenza lezi zifundo yikhona sizoba nesibalo esanele esizotomula kuso,” esho.
Ubekhuluma ngesikhathi kwethulwa i-United Nations Educational, Scientific, and Cultural Organisation Africa Engineering Week, e-University of Johannesburg.
Ukushoda konjiniyela kusho ukulibaziseka komsebenzi okumele wenziwe, esho.
"Ukushoda konjiniyela kubambezela ukuthuthuka kweNingizimu Afrika, nokudala ukuthi abantu bangaqasheki,” ephetha.
Kuthiwa babalelwa ku-1 500 abafundi bezobunjiniyela abakhiqizwa amanyuvesi akuleli minyaka yonke, kepha bayisigamu kulabo abasebenza njengonjiniyela.
"Iningi labo ligcina lisebenza emabhange nakwezinye izikhungo zezimali. Kumele linyuke inani labafundi abenza lezi zifundo yikhona sizoba nesibalo esanele esizotomula kuso,” esho.
Ubekhuluma ngesikhathi kwethulwa i-United Nations Educational, Scientific, and Cultural Organisation Africa Engineering Week, e-University of Johannesburg.
Ukushoda konjiniyela kusho ukulibaziseka komsebenzi okumele wenziwe, esho.
"Ukushoda konjiniyela kubambezela ukuthuthuka kweNingizimu Afrika, nokudala ukuthi abantu bangaqasheki,” ephetha.
- “Like” ikhasi lethu kuFacebook ukuze uthole izindaba ngolimi lwakho
