Cosatu: Azishiwe izicwadi zezikweletu zama-e-toll

Johannesburg - Abashayeli baseGauteng kumele baqhubeke nokusebenzisa imigwaqo emikhulu ngaphandle kokukhokhela ama-e-toll, kusho iCongress of SA Trade Unions (Cosatu) ngoLwesine, kubike iSowetanlive.

"Sinxusa abantu bethu ukuba baluphonsele inselelo lolu hlelo kanti futhi nalabo abathola izincwadi zokuthi bayakweleta kumele bazishise,” kusho uNobhala weCosatu eGauteng, uDumisani Dakile.

"Sizohlela maduzane umcimbi wokushisa amasondo ezimoto phambi kwamahhovisi eSanral [SA National Roads Agency Limited], ngakho abantu siyabacela ukuba balethe izincwazi ezithi bayakweleta ukuze sizozishisa nazo.”

ICosatu ikwamukele ukusungulwa kwekomidi elizobheka ukusebenza kwama-e-toll, elisungulwe nguNdunankulu uDavid Makhura.

UDakile uphinde wathi iCosatu ayihambisani nemizamo yeSanral neNational Prosecuting Authority yokushushisa abantu abangabhalisanga ngaphansi kohlelo lwama-e-toll, nabangawakhokheli.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.