Johannesburg – Izinqumo eziningi ebezithathwa ngobeyisikhulu sakwa-Eskom Zola Tsotsi beziphambene nomthetho okuhlanganisa nokuklomelisa umndeni wakwaGupta ngethenda elilinganiselwa ku-R400 million ngonyaka ngokubika kweThe Sunday Times.
Ngokombiko uTsotsi owasula kulesi sikhundla ekupheleni kukaMashi waba nesandla ekutheni umndeni wakwaGupta uthole inkontile yokusabalalisa amalahle eyasayinwa ngoMashi nakuba imayini yalo mndeni eseBrakfontain eMpumalanga yayingenayo ilayisensi yamanzi.
OLUNYE UDABA: Ungase ungene kuStage 4 u-Eskom
Lo mndeni uqale kuleli sonto ukusabalalisa amalahle kwa-Eskom.
UTsotsi usolwa ngokungaziphathi kahle kanti kwesinye isikhathi kubikwa ukuthi ubebuye asebenzise amandla akhe ngokweqile.
Inkampani yakwa-Eskom ibhekene nezinkinga kulezi zinsuku njengoba kushoda amandla kagesi nosekuholele ekutheni lubuye ngamandla uhlelo lukucima kukagesi.
- “Like” ikhasi lethu kuFacebook ukuze uthole izindaba ngolimi lwakho