Ezakamuva ngenkundla yezokuxhumana iMxit

Cape Town – Inkundla yezokuxhumana uMxit isimemezele ukuthi iyalivala ibhizinisi layo elingenisa imali, yathi yonke imali izoyinikelelainhlangano ezimele iThe Reach Trust.

UMxit wabika ngo-2013 ukuthi bangu-7.5 million abantu abawusebenzisayo ngonyaka, kepha lesi sibalo sehla sama ku-1.2 million ngoJulayi 2015, ngokusho kwesitatimende esikhishwe uMxit ngoLwesihlanu.

UMxit, esitatimendeni, ithe le Application isazoba khona ngakho abantu basazokwazi ukuyiDownloada.

Kepha njengxenye yesivumelwano, isikhulu esiphezulu seMxit, uFrancois Swart, uzoshiya isikhundla sakhe ngemuva kokusiqhoqhobala iminyaka emithathu.

OLUNYE UDABA: Lisuse umsindo ikhasi le-Facebook

Zonke izisebenzi zakwaMxit ezibalelwa ku-30 zizosebenzela iThe Reach Trust ngaphansi kwesikhulu esiphezulu u-Andrew Rudge noMichael Jordaan.

IThe Reach Trust yenza kakhulu izinhlelo zokusiza abantu kwezemfundo, njengoba isisize abantu abangu-10 million kusukela ngo-2012.

Ukuwa kweMxit kwezebhizinisi kusa ngemuva komncintiswano okhona solokhu kwafika uWhatsApp noFacebook.

Bangu-10 million abantu abasebenzisa uWhatsApp kuleli, kanti bangu-13 million abanoFacebook.