"Amabhasi azoya ezifundazweni ezahlukene kanye naseMaputo [eMozambique]," usho kanje.
Amalungu e-Association of Mineworkers and Construction Union (Amcu) selokhu angenela isiteleka ngoJanuwari 23 ezimayini zaseLonmin, Impala Platinum, nase-Anglo American Platinum, eRustenburg, eNorth West, kanye naseNortham, eLimpopo.
Bangenela isiteleka befuna iholo lika-R12 500 ngenyanga, bawuchitha u-9% owabekwa ngumqashi etafuleni.
NgoLwesine, uMathunjwa uthe amabhasi azobe esemagatsheni onke e-Amcu eRustenburg.
Cishe angu-100 amabhasi aseqashiwe ngesamba esingaphezulu kuka-R4 million.
Amabhasi azothutha abavukuzi abayise amakhaya mahhala, ngenxa yokuthi sekuphele izinyanga bengasebenzi futhi bengaholi.
I-Amcu isungule isikhwama sesiteleka ngenhloso yokusiza imindeni yabavukuzi ukuze baphile njengoba isiteleka sisaqhubeka.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter