I-FF Plus ikhulumela abakwaTransnet

Johannesburg - Abasebenzi bakwaTransnet asebathaha umhlalaphansi bayahlupheka usuku nosuku, kusho iFreedom Front Plus ngoLwesine.

"Ilinganiselwa ku-R2000 noma ngaphansi imali abaziphilisa ngayo abasebenzi asebathatha umhlalaphansi kwaTransnet kanti futhi iningi labo alikwazi ukuziphilisa ngaleyo mali nyanga zonke, kusho ilungu leFF Plus ePhalamende, u-Anton Alberts.

U-Alberts ubetshela abezindaba ngaphambi kwemashi ebibhekiswe e-Union Buildings.

Enkulumweni yakhe uthe asebathatha umhlalapansi banyuselwa imali yabo ngo-2% ngonyaka, okuyiphesenti elingawenzi umehluko njengoba imali yezidingo ikhula njalo.

Phambilini, iFF Plus ithe abasebenzi asebathatha umhlalaphansi kwaTransnet bazongenela umbhikisho bekhalazi ngemali encane yempeshini.

Labasebenzi asebathatha umhlalaphansi okumanje bafake inkampane yakwaTransnet nohulumeni enkantolo bekhalaza ngemali abayitholela impesheni.

Incwadi yezikhalazo bazoyidlulisela ehhovisini likaMengameli uJacob Zuma ukuba angenelele ngokushesha.

U-2% abawutholawo awuhambisani nesethembise esenziwa abaphathi bakwaTransnet mayelana nemali yempesheni, kusho iFF Plus.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).