Pretoria – Iningizimu Afrika ngoLwesithathu iphike izinsolo zenkohlakalo esivumelwaneni sikagesi wenuzi esenziwe nezwe laseRussia.
NgoSepthemba 22, inkampani yezamandla eRussia, iRosatom, yamemezela ukuthi iqokelwe ukuba yakhe imishini yokukhiqiza ugesi wenuzi eNingizimu Afrika, ngesamba semali engafinyelela ku-$50 billion.
Isimemezelo senziwa ngemuva kokuba uMengameli uPresident Jacob Zuma ehambele eMoscow nokuyinto equbule izinsolo zokuthi uhulumeni wephule imithetho yohlelo lwamathenda.
Funda nalolu daba: Zehlile ngokwezibalo izimpunyela zakuleli kwiForbes.
NgoLwesithathu uMnyango wezaMandla uthe isivumelwano esikhona nezwe laseRussia yisivumelwano sokusebenzisana nje kuphela.
"Izwe laseRussia neNingizimu Afrika basayine isivumelwane sokusebenzisana,” kusho ibamba likamqondisi jikelele, uWolsey Barnard.
"Akulona kuphela izwe laseRussia noma inkampani esenze nayo isivumelwano sokusebenzisana,” usho kanje.
IDemocratic
Alliance yona icele iPhalamende ukuba liphenye ngesivumelwano.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter (@IzindabaNews24).