Johannesburg - Isivumelwane samaholo seminyaka emithathu esisayinwe yi-National Union of Mineworkers (NUM) ne-Royal Bafokeng Platinum (RBP) sisho ukunqoba kwabavukuzi, kusho inyunyana ngoLwesihlanu.
"Izingxoxo zihambe kahle, nangendlela ehloniphekile,” kusho okhulumela inyunyana uLivhuwani Mammburu esitatimendeni.
Izingxoxo ziqhutshwe ngendlela ehambisana nomthetho, umthethosisekelo, kanye nokuqonda izidingo ezibhekene nabantu basembonini ye-platinum.
Isivumelwane, esisayinwe ngoLwesine siqala ukusebenza kusukela ngoJulayi 1 kuze kube umhlaka 30 Julayi 2017.
Isivumelwane sihlanganisa ukuba abasebenzi basemgodini abahola kancane banyuselwe amaholo, okuzothi ngo-2017 bahole u-R12 000.
-- inkampani izobakhokhela u-100% we-medical aid abasebenzi abahola kancane bese kuthi izinduna zona zikhokhelwe u-70% we-medical aid.
-- Inkampmani izophinde ibakhokhele u-R2600 wemali yesibonelelo sezindlu onyakeni wokuqala; ngonyaka wesithathu banikwe isibonelele sezindlu sika-R3900.
UMammburu uthe: "Abasebenzi abahola kancane,
eminyakeni emibili, sekuqinisekisiwe ukuthi bazothola i-package ka-R14,594 uma sekuhlangene nemihlomulo.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.