Johannesburg - AbeNational Union of Metalworkers of SA (Numsa), sebebabele enkantolo ngenhloso yokuphikisa ukuxoshwa kwabo ngaphansi kwomfelandawonye wezinyunyana iCosatu.
Lokhu kuvezwe nguNobhala Jikelele wenyunyana u-Irvin Jim, ngoLwesine.
"Izikhulu ze-Central Executive Committee, yeCosatu, zenza intando yazo zasixosha. Zephula imigomo," kusho uJim etshela abezindaba eBoksburg.
INumsa yaxoshwa ngaphansi kweCongress of SA Trade Unions, ngenyanga eyedlule.
Funda nalolu daba: ICosatu idelela imithetho yayo
Izinyunyana ezingu-8 ezingaphansi kweCosatu, ziphumele obala zakhombisa ukweseka iNumsa.
Ukungqubuzana phakathi kweNumsa neCosatu kwaqala ukubonakala ngesikhathi kumiswe emsebenzini uNobhala Jikelele weCosatu, uZwelinzima Vavi.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.