Johannesburg - Inhlangano yezokusakazo kuleli iSouth African Broadcasting Corporation ichithe imibiko yokukhokhela isikhulu sayo uHlaudi Motsoeneng izindleko zasenkantolo.
NgoMsombuluko iqembu eliphikisayo iDemocratic Alliance isole le nhlangano ngokukhokha izindleko zasenkantolo zikaMotsoeneng oyiChief Operating Officer nezowayenguSihlalo webhodi u-Ellen Tshabalala.
UNgqongqoshe wezokuXhumana uFaith Muthambi ephundula iDA Phalamende uthe iSABC yadlulisela lezi zindleko zikaMotsoeneng noTshabalala kwinkampani yayo yezomshwalense ukuze izikhokhele.
OLUNYE UDABA: Inkampani yamabhanoyi izama ukuheha abagibeli
UMotsoeneng usidlulisele phambili isinqumo seNkantolo ePhakeme sokuthi iSABC kumele imumise njengesiphakamiso soMvikeli weMphakathi uThuli Madonsela.
UMadonsela uwathola ukuthi uMotsoeneng wasenga ezimithiyo mayelana neziqu zakhe.
Ngakulonye uhlangothi uTshabalala kwatholakala ukuthi naye wahubhuza amanga ngeziqu zakhe njengoba agcina ehlile esikhundleni ngoDisemba 2014.
Okhulumela le nhlangano uKaizer Kganyago utshele iFin 24 ukuthi "IDA iqamba amanga emphakathini". "
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter