Johannesburg – Ibhange lombuso i-South African Reserve Bank (Sarb) seliqale uphenyo nge-African Bank Investment ukuze lithole ukuthi kungabe yaba budedengu ngendlela ebiphethwe ngayo noma kwimigomo yayo.
Ngokombiko we-Fin24 lokhu kudalulwe yibhange lombuso ngoLwesibili.
I-African Bank ibhekane nobunzima kwaze kwaphoqa ukuthi i-Sarb iyitakule ngesamba semali esilinganiselwa ku-$1.6bn obishini lwezimali ebisingene kulo ngenyanga edlule.
UGill Marcus onguMengameli we-Sarb uthe imbumba ehlanganisa izikhondlakhondla zamabhange okubalwa kuzo i-Absa Bank Limited, Capitec Bank, First National Bank Investec Bank Limited, Nedbank Limited, Standard Bank Limited nePublic Investment Corporation zizinikelile ukufaka imali engu-R10bn ku-African Bank.
UMarcus uthe ububudlelwano phakathi kwezinkampani ezizimele nohulumeni buzodala ukuthi i-African Bank ihlukane kabili.
- “Like” ikhasi lethu kuFacebook ukuze uthole izindaba ngolimi lwakho