ISolidarity iyasamukela isiphakamisa samaholo

Johannesburg – Kunethemba lokuthi singase samukelwe isiphakamiso esisha samaholo esibekwe etafuleni yiSteel and Engineering Industries Federation of SA (Seifsa) ngenhloso yokuqeda isiteleka esiqhubekayo embonini yensimbi, kusho inyunyana iSolidarity ngoLwesibili.

"Sicabanga ukuthi isiphakamiso esisha seSeifsa sihle futhi sinesiqiniseko sokuthi amalungu ethu azosamukela,” kusho okhukhulumela le mboni uMarius Croucamp esitatimendeni.

Inhlangano emele abaqashi, iNational Employers Organisation of SA (Neasa), isithembise ngokwenyusa amaholo ngo-8% kubo bonke abasebenzi.

NgoLwesibili, iSeifsa ithe iyasamukela isiphakamiso soMnyango wezabaSebenzi kodwa ngemigomo yokuthi amaholo azokwenyuswa phakathi kuka-8% no-10% ngokwahlukana kwamazinga abasebenzi.

"Inhlangano emele abaqashi inikeze izinyunyana kuze kushaye uLwesihlanu ukuba ziphendule ngesiphakamiso," kusho i-Neasa.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).