Ikomidi linezinhlelo ngowamabhizinisi amancane

Cape Town – Ikomidi lezokuthuthukiswa kwamabhizinisi amancane ePhalamende lithembise  ngokuthatha izinyathelo eziqinile ukubhekana nalo Mnyango kulandela umhlangano elibe nawo nePlastic South Afrika.

Usihlalo wekomidi uRuth Bhengu uthe ikomidi libekelwe iminyaka emihlanu ukuba lenze izinguquko ezibonakalayo kwezamabhizinisi ukuze lisebenzisane kahle nabamabhizinisi.

“Ikomisi lizosebenzisa amandla eMoney Bills and Budget Review kanye nezindlela ezinqala ukuqinisekisa ukuthi uMnyango wezokuthuthukiswa kwamabhizinisi amancane awuqhubeki nokusebenzisa izindlela ezingaphumelelanga eminyakeni engu-20 eyedlule,” kusho uBhengu. 

Funda nalolu daba: Lingase ligcwale umoya kwabasebenza ePosini.

Ukhulume kanje ngesikhathi ebuza ngokwethulwe yiPlastic South Africa, okuyinkmapani emele imboni yeplastiki eNingizimu Afrika.

Le nkampani ivele phambi kwekomidi ukuzokhulumela izinkampani zikaplastiki eNingizimu Afrika mayelana nezinhlelo zokusiza amabhizinisi amancane kanye nokusebenzisana.

Ngokusho kuka-Anton Hanekom, ongumqondisi wePlastic SA, imboni yeplastiki iqashe abantu abangaphezulu kwabangu-60 000 futhi ingenisa u-1.6% welali engena kuleli.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).