25 Jul 2014

Inyunyana ifuna kuvikelwe abavukuzi

Johannesburg - INational Council of Trade Unions (Nactu) isiphakamise ukuthi kumele bavikelwe ngandlela thize abavukuzi abasolwa ngokuba yingxenye yezigameko zokubulala ngesikhathi kuqhubeka isiteleka eMarikana ngo-2012.

"Sinokwesabela ukuthi ubufakazi buka"Mr X" bungase budale ukuthi kube khona uhlu lwabantu abazoqothwa, nosekuqale ngoMehlonkomo," kusho uNobhala Jikelele weNactu uNarius Moloto.

UBongani "Bhayi" Mehlonkomo wadutshulwa washona eMarikana ngoLwesibili.

UMehlonkomo wayesendleleni egodukayo ngesikhathi edutshulwa ngabantu ababehamba ngemoto.

"Sonke siyazi ukuthi igama likamufi lavela kaningi ngesikhathi ufakazi wamaphoyisa u"Mr X" ethula ubufakazi ngaphambi kwekhomishana kaFarlam," kuqhuba uMoloto.

Le khomishana iphenya ngezigameko ezaholela ekutheni kubulawe abantu abangu-44 ngesikhathi kunesiteleka sabavukuzi emayini yaseLonmin, eMarikana, ngo-Agasti 2012.

- “Like” ikhasi lethu kuFacebook ukuze uthole izindaba ngolimi lwakho

- Landela IzindabaNews24 kuTwitter

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()