Durban - UMnyango wezeMvelo kwaZulu-Natal unikeze igunya inkampani yakuleli i-Exxaro KZN Sands, ukuba yenze imayini ebisisuse umbango, kubike iThe Mercury ngoLwesihlanu.
I-Exxaro KZN Sands izosebenzisana nenkampani yase-Australia, i-New Tronox Group, ayasungulwa ngebhizinisi elalingenazimali okubikwa ukuthi seyinukubeze izifunda ezingu-22 zaseMelika nge-nuclear waste, izingodo ezingubuthi, i-rocket fuel, izimayini, ngowoyela, nangegesi.
Imayini izoba seMthunzini ngaseMlalazi Nature Reserve.
Ngesamba semali esilinganiselwa phakathi kuka-R1.4 billion no-R2.4 billion, lo msebenzi waseFairbreeze kuhloswe ngawo ukuthola izimbiwa eziningi ezifana ne-titanium, zircon, rutile, kanye ne-leucoxene.
Ngokusho kwaleli phephandaba le mayini kulindeleke ukuba ibe nomthelela ongemuhle kweZemvelo KZN Wildlife eyaziwa ngoMlalazi Nature Reserve, iSiyaya Coastal forest kanye neTwinstreams Environmental Education Centre.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
SAPA
