"Yiso isibalo esiqondile lesi, sesihloliwe ngisho abe-All Media and Products Survey," kusho ongumxhumanisi wenkampani nabezindaba uDaya Coetzee, ekhulumela i-Ads24.
Ngokombiko we-Audit Bureau of Circulations of SA (ABC) wangoNovemba wonyaka odlule, ukudayiswa kweDaily Sun kwehla kusuka ku-336 319 kwaba ngu-291 132 wamakhophi.
OLUNYE UDABA: Iphephandaba liyalelwe ukuba lixolise kumkaZuma
Okwamanje angu-295 000 amakhophi adayiswa yileli phephandaba, ngokusho kwemenenja yeDaily Sun, engathandanga ukudalulwa igama.
UCoetzee uthe izinombolo eziphezulu zabantu abafunda iphepha zichaza ukuthi iphephandaba lilinye lingafundwa cishe ngabantu abangu-17.
"Iphepha kuyenzeka lifundwe umndeni wonke ngisho nabantu emsebenzini nabo bayadluliselana iphepha,” esho.
- “Like” ikhasi lethu kuFacebook ukuze uthole izindaba ngolimi lwakho