"Lokhu kusho ukuthi besikhula ngo-155 000 isibalo sabantu abathola umsebenzi njalo ngekota. Okusho ukuthi bangu-229 000 abantu abathole imisebenzi phakathi kukaJuni 2013 noJuni walo nyaka,” ngokusho kombiko iQuarterly Employment Statistics (QES).
"Inyukile futhi nemali ebiholelwa abasebenzi phakathi kukaMashi noJuni 2014.”
Lolu cwaningo lwenziwe kuzona zonke izimboni, ngaphandle kweyolimo.
OLUNYE UDABA: Sakhe amathuba omsebenzi amaningi - Zuma
Umbiko uqhuba ngokuthi ingu-R409 billion imali esiholelwe abasebenzi kulesi sikhathi okukhulunywa ngaso.
Kuphinde kwavela ukuthi imiholo nezinye izibonelelo kunyuke ngo-3% phakathi kukaFebhuwari noMeyi nonyaka.
"Inhlolovo yangoJuni itshengise ukuthi isilinganiso esejwayelekile seholo simi ku-R15 169 ngenyanga,” kuqhuba iStats SA.
- “Like” ikhasi lethu kuFacebook ukuze uthole izindaba ngolimi lwakho