'Izinkampani azenzi okwanele ngezinguquko'

Johannesburg – Izinkampani ezizimele azenzi okwanele ngezinguquko emphakathini, kusho iCongress of SA Trade Unions (Cosatu) ngoLwesithathu.

"Izibalo ezikhishiwe ziyakuqinisekisa ukuthi izinkampani aziyisebenzisi ngendlela inzuzo futhi azikukhathalele ukwenza izinguquko emphakathini,” kusho okhulumela iCosatu uPatrick Craven.

Ubephendula eqhathanisa izibalo zeStatistics SA kusukela ngo-1994 Okthoba kuze kube u-2014 ngemuva kokuba uPali Lehohla weStats SA ekhiphe umbiko ngoMsombuluko.

Phakathi kweziphumo kuvele nokuthi eminyakeni engu-20 eyedlule kubenoshintsho ekuqashweni kwabantu abamnyama abanamakhono.

Funda nalolu daba: Ayidutshwe ingabukwa iGenerations.

Ngo-1994, u-15% wabantu abamnyama ababenza umisebenzi edinga amakhono.

Lezi zibalo zikhuphuke zafinyelela ku-18% kuphela ngo-2014.

ICosatu ikholelwa ukuthi ukuthuthukiswa kwamakhono kuhambisana nohlelo lokwenziwa kwezinguquko.

ICosatu iphinde yanxusa ukuba kuqeqeshwe kabanzi othisha, abezolimo namanesi kuphinde kwenyuswe izinga ezifundweni zesayensi, izibalo nezobuchwepheshe.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).