'Izinkampani zomshwalense ngeke zikhokhe ngokuzamazama'

Johanesburg - Zilinganiselwa kwezinhlanu izinkampani zomshwalense ezithi ngeke ziwukhokhele umonakalo owadalwa ukuzamazama komhlaba, ngokusho kocwaningo olukhishwe ngoLwesithathu.

"Siye kwezinye zezinkampani ezinkulu zomshwalense wezindlu sathola ukuthi ezinhlanu kwezingu-17 zizobachitha abantu abafuna ukunxeshezelwa ngesehlakalo sase-Orkney uma kutholakala ukuthi imayini yabanomthelela ekuzamazameni komhlaba,” kusho umhleli weJustmoney, u-Angelique Ruzicka.

Kulezi zinkampani ezinhlanu, ezintathu kuzona amabhange amakhulu amathathu, iStandard Bank, Absa noNedbank – kanye nezinkampani ezimbili ezigxile kwezomshalense kuphela, i-MUA ne-Addsure.

Ukuzamazama komhlaba okungu-5.5 magnitude kwahlasela esifundazweni saseNorth West ngo-Agasti 5, kanti ukuzamazama okukhulu kwakuse-Orkney.

Kulesi sehlakalo kwashona umlisa oyedwa kwalimala abavukuzi abangu-34. 

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).